علمتني الحياة

هذي خاطره ولا أروع
وإن شاء الله تنال إعجابكم
الخاطره طويله شوي لكن تستاهل تقرونها كامله

كل واحد مننا تعلم بحياته أشياء كثير لكن بلنسبه للي ماتعلموا دروس بحياتهم

هذي بعض الدروس

علمتني الأيام ....
خالل من تخالل ..وحب من تحب ..عيش لذة الاشتياق
إمسح دمعك اللي راق فلابد من الفراق ..

علمتني الأيام ...
حدد الهدف وإذا طحت قوم كمل المسيرة ..
لايردك عن هدفك جراح صغيرة ..
الإنسان يسعى ومايدري وش مصيره

علمتني الأيام ...
خلك الربان دفة السفينة بيدك كن قائد محنك ..
توصل بس تحتاج .. مره تصارع مره تساير الأمواج..
كن صبور مثل الجمل يوم عطشه يحتمل والما على ظهره حمل
كن صلب مثل الجبل ما يهزك شي لو مهما حصل

علمتني الحياة ...
إن الحياة ملل بعد فقدان الأمل لو فقدت الأمل
راح تعيش بضياع تحس بخلل واللعب عليك بيكون سهل

علمتني الحياة ...
إن الأمل له حدين في هذي الحياة
إما يكون معاك ويكون قارب نجاة
و لا يخيب وإذا خاب أملك ما راح تنساه

علمتني الحياة ...
بالفم المجنون أنا أخذ الحكم ومنها أفهم
إذا ما تخطي ما تتعلم وإذا من خطأك ما تتعلم
تندم وبدل الدمع تبكي دم

علمتني الأيام ...

هذا الفكر إذا كنت قاسي ما تنكسر
وإذا كنت ليّن ما تنعصر
لا تتعالى عـالدهر ترى كلنا عيال تسعة أشهر
لا تكون مغرور مثل اللي فوق الجبل
يشوف الناس صغار ولكن في عيون الناس كلهم يصغر
يعني معنى كلامي بالمختصر مهما كنت عالي لا تغتر

كل هذا علمتني إياه الحياة
لا خيال ...ولا أوهام
كلام وأفهم معناه ....

علمتني الأيام ما أغتر بالورود
لأن منظرها يذكر بالعدو اللدود
منظرها جميل لكن كلها أشواك
مثل العدو في وجهك يبتسم
ويروح معاك هنا وهناك
مسوي نفسه شريك وهو مايبيك
ويعدلك الشراك وإذا جا وراك يرمي عليك الشباك

تذكر إن الدنيا مسرح
لو كان نصيبك فيها دور البطل تربح
حاول تنسى الجرح وتنسى الحزن
عيش أيامك فرح

علمتني الأيام ...
لا تكثر في الكلام و إبدأ بالأفعال
ولا راح تنلام لا تسرح كثير لا تسرح بالخيال
وبعقلك لا نطير عيش الواقع ولو كان مرير
لا تسمع للحساد لا نكون ابد لكلامهم أسير
و اتذكر دايم الكلاب تنبح و القافلة تسير

أتمنى الخاطره تعجبكم

وياليت تنورون الصفحه بردودكم


**تحياتي**